طريقة عمل بطاطس بالجمبري والكاليماري.. وشوربة لسان العصفور بالجمبري((روبيان))!!!!!!!

بسم الله الرحمن الرحيم

بطاطس بالجمبري والكاليماري

المقادير:

كيلو باذجان رومي

1/2 كيلو بطاطس

بصلة مفرومة ناعم

5 فصوص ثوم مفروم ناعم

قرن فلفل أحمر مقطع قطعا صغيرة

1/4 كيلو بروكلي

زيت زيتون

ملح و فلفل أسود وكمون وبهارات

1/2 كيلو جمبري متوسط الحجم

خليط من الريحان وعيدان البصل الأخضر

1/2 كيلو كاليماري مقطع قطعا في حجم الجمبري

1/4 كوب جبنة موتزاريللا

1/2 كوب خليط من الدقيق والبقسماط

زيت للتحمير

الطريقـة:

1- هاتي الثوم والفلفل الأحمر وحطيهم في الهون ومعاهم الملح والكمون والبهارات واطحنيهم كويس مع بعض، وبعد كده ضيفي إليهم الليمون وقلبيهم مع بعض.

2- هاتي الجمبري والكاليماري واغسليهم كويس وبعد كده اخلطي كل واحد لوحده بالخلطة اللي إنتِ عملتيها وسيبيهم لمدة نص ساعة علشان يتبّلوا كويس.

3- قطعي الباذنجان والبطاطس إلى مكعبات صغيرة وشوّحيهم مع البروكلي في الزيت لمدة ربع ساعة.

4- حطي شوية زيت زيتون في حلة وحطيهم على النار وبعد كده ضيفي إليهم البصل وقلبيهم مع بعض لمدة عشرة دقائق وبعد كده ضيفي إليهم الثوم وقلبيهم مع بعض على النار لغاية ما لونهم يبقى ذهبي ضيفي إليهم الملح الفلفل.

5- بعد كده ضيفي إليهم الجمبري وقلبيهم مع بعض لغاية ما لون الجمبري يبقي برتقالي، وبعدين ضيفي عليه خليط الريحان وعيدان البصل ألاخضر.

6- ضيفي الكاليماري إلى الجمبري وقلبيهم مع بعض لمدة ربع ساعة وبعد كده ضيفي إليهم الباذنجان والبطاطس وقلبيهم على النار لمدة عشرة دقائق.

7- بعد مرور العشر دقائق ضيفي إليهم عصير الطماطم وزيت الزيتون وقلبيهم على النار.. هاتي صينية فرن وحطي فيها كل الحاجات اللي فاتت ورصّي عليها من على الوش الطماطم والجبنة الموتزاريللا ورشي شوية دقيق وبقسماط وزيت الزيتون.

8- شغلي الفرن على درجة حرارة متوسطة ودخلي الصينية فيه لمدة نص ساعة أو لغاية ما وشها يحمر، وبعد كده خرجيها وقدميها.. وبالهنا والشفا.

شوربة لسان العصفور بالجمبري

المقادير:

1/2 كوب زيت ذرة

بصلة مقطعة قطعا صغيرة جدا

3 فصوص ثوم مفروم

1/4 كيلو جمبري صغير مقشر

2 كوب مية

2 ورقة لاورا

عصير أربع ليمونات

6 أعواد كرفس مقطع قطعا صغيرة

بهارات سمك

قرن فلفل أحمر مقطع قطعا صغيرة

الطريقة:

1- هاتي الثوم والفلفل الأحمر وحطيهم في الهون ومعاهم الملح والكمون والبهارات واطحنيهم كويس مع بعض، وبعد كده ضيفي إليهم الليمون وقلبيهم مع بعض.

2- هاتي الجمبري واغسليه كويس وبعد كده رشي عليه الخليط السابق وسيبيه لمدة نص ساعة علشان يتبّل كويس.

3- شوّحي لسان العصفور في الزيت لغاية ما لونه يبقى ذهبي، وبعد كده اطفي البوتاجاز.

4- حمّري البصلة والثوم فى الزيت، وبعد كده ضيفى إليهم الجمبري والمية المذاب فيها بهارات السمك.

5- اتركي الخليط في الحلة على النار مع إضافة ورق اللاورا وأعواد الكرفس وعصير الليمون لمدة ربع ساعة وبعد كده اطفي البوتاجاز.. وبالهنا والشفا

» طريقة عمل بسبوسة بالقشطة
» طريقة ترغيب الأطفال في الغذاء الصحي
» كيف اعرف اني عذراء بكر ، طريقة و طرق معرفة العذراء و البكر
» اكثر من عشرين طريقة للف الايشاربات تعالو شوفو
» كيف احبب طفلي في الاستحمام ، طريقة و طرق مساعدة الاطفال في حب الترويش